Bektemir Meliqo‘ziyev amerikalik bokschidan ustun keldi

Bektemir Meliqo‘ziyev Las-Vegasda o‘tkazilgan boks oqshomidan so‘ng WBA kamari uchun rasmiy da’vogarga aylandi.

Foto: Videodan kadr

O‘zbekistonlik Bektemir Meliqo‘ziyev Las-Vegasda o‘tkazilgan boks oqshomida navbatdagi g‘alabasini qo‘lga kiritdi.

Bektemir Meliqo‘ziyev amerikalik mag‘lubiyatsiz bokschi Daryus Fulgxemga qarshi 12 raundlik jangda ustun keldi va WBA kamari uchun rasmiy da’vogarga aylandi.

Mazkur g‘alaba Bektemir Meliqo‘ziyev uchun katta ahamiyatga ega.

U nafaqat raqibiga professional faoliyatidagi ilk mag‘lubiyatni taqdim etdi, balki bu orqali o‘zining WBA (Jahon boks assotsiatsiyasi) kamari uchun rasmiy da’vogar maqomini ham qo‘lga kiritdi.