Polsha prezidentlik saylovida Karol Navrotski g‘alaba qozondi

Muxolifatdagi konservativ «Qonun va adolat» partiyasidan nomzodini qo‘ygan Karol Navrotski Polsha prezidentligi saylovining ikkinchi bosqichida ko‘pchilik ovozni qo‘lga kiritdi.

Davlat saylov komissiyasi ma’lumotlariga ko‘ra, byulletenlarning 100 foizi sanab chiqilgach, Navrotski 50,89 foiz, uning raqibi Varshava meri Rafal Tshaskovski esa 49,11 foiz ovoz olgan, deb yozdi Gazeta Wyborcza.

Karol Navrotski vakolat muddati avgust oyida tugaydigan konservativ Anjyey Duda o‘rnini egallaydi.

Polshada prezident asosan ramziy vakolatlarga ega, biroq u parlament tomonidan qabul qilingan qonunlarga veto qo‘yishi mumkin.