Полша президентлик сайловида Карол Навроцки ғалаба қозонди

У овоз берганлар ярмининг хайрихоҳлигига эришди.

Фото: AP

Мухолифатдаги консерватив «Қонун ва адолат» партиясидан номзодини қўйган Карол Навроцки Полша президентлиги сайловининг иккинчи босқичида кўпчилик овозни қўлга киритди.

Давлат сайлов комиссияси маълумотларига кўра, бюллетенларнинг 100 фоизи санаб чиқилгач, Навроцки 50,89 фоиз, унинг рақиби Варшава мэри Рафал Тшасковски эса 49,11 фоиз овоз олган, деб ёзди Gazeta Wyborczа.

Карол Навроцки ваколат муддати август ойида тугайдиган консерватив Анжей Дуда ўрнини эгаллайди.

Полшада президент асосан рамзий ваколатларга эга, бироқ у парламент томонидан қабул қилинган қонунларга вето қўйиши мумкин.