Oilaviy korxonalarning eng ko‘pi savdo sohasida faoliyat yuritmoqda

Milliy statistika qo‘mitasi ma’lumotlariga ko‘ra, ularning soni yil boshidan 1 453 taga oshgan. Shuningdek, ular sohalar kesimida tahlil qilinganda eng yuqori ulushi savdo sohasiga (40,1 foiz) to‘g‘ri kelmoqda.

Faoliyat yuritayotgan oilaviy korxonalarning sohalar kesimidagi soni:

• savdo sohasida – 15 134 ta;
• sanoat sohasida – 8 531 ta;
• yashash va ovqatlanish bo‘yicha xizmatlar sohasida – 7 208 ta;
• qishloq, o‘rmon va baliqchilik xo‘jaligi sohasida – 2 576 ta;
• sog‘liqni saqlash va ijtimoiy xizmat ko‘rsatish sohasida – 634 ta;
• tashish va saqlash sohasida – 344 ta;
• qurilish sohasida – 302 ta;
• axborot va aloqa sohasida – 240 ta;
• boshqa sohalarda – 2 749 tani tashkil etdi.