5 daqiqalik budjet odatlari: oila bilan pulni boshqarishni o‘rganamiz

1. “Bugun pul qayerga ketdi?” — mini tahlil odati

Telefoningizning qaydlar bo‘limiga har kuni 5 daqiqa vaqtingizni ajratib, quyidagi 3 narsani yozib boring:

🔹 Nimaga pul ketdi?

🔹 Qancha ketdi?

🔹 Haqiqatan kerakmidi?

Masalan, kofe — 30 000 so‘m, tovuq — 48 000 so‘m, bolaga taglik — 55 000 so‘m. Izoh: taglik kerak edi, kofe esa shunchaki kayfiyat uchun.

Endi sarflagan pullaringizni quyidagi kategoriyalar bo‘yicha ajratib chiqing: “asosli”, “keraksiz xarajat”.

2. “Zarur” va “ortiqcha” kartalari

Bu usulni qo‘llashga ham 5 daqiqa vaqtingiz ketadi. Uni o‘yin ko‘rinishida amalga oshirish mumkin, hatto bolalar bilan ham o‘ynasa bo‘ladi. Har kuni 2 ta karta yasaladi:

Zaruriy xarid: Haqiqatan kerak bo‘lgan narsa

Ortiqcha xarid: Hozir qilmasa ham bo‘ladigan narsa

Oila a’zolari navbat bilan aytishadi:

• “Bugun taglik — zarur. Fast Food — ortiqcha”
• “To‘y sovg‘asi — zarur. Gazli ichimlik — ortiqcha”

Bu odat moliyaviy tanlovlar haqida fikrlashni kuchaytiradi va muhokama madaniyatini yaratadi. “Zarur” yoki “ortiqcha” degan kartalarga xarajatlar nomini yozib chiqasiz.

3. “Rasmiy moliyachi” o‘yinini o‘ynang. Har bir kvitansiya, mahsulot yoki transferdan keyin rasmga oling va alohida papkaga joylang: Telefon galereyasida alohida “budjet ” degan papka oching.

📂 Budjet | 📅 Iyul | 🛒 Xarajatlar

Bu orqali ko‘p narsani eslab qolish osonlashadi. Yil oxirida “Oila xarajatlari retrospektivasi”ni qilsa bo‘ladi — hatto gif/slayd-shou ham.

4. “Eng qimmat — eng foydali — eng kulgili”

Har hafta “eng qimmat xarid”, “eng foydali xarid” yoki “eng kulgili/keraksiz xarid”laringizning TOP ro‘yxatini tuzing. Bu orqali o‘zingizni anglaysiz. Hatto bolalar bilan bu tanlovni oqshom ovqat paytida o‘tkazsa ham bo‘ladi.

Emoji g‘oyasi:

💰 Qimmat

👍 Foydali

🤣 Bekorchi

5. “3 kunlik prognoz”

Har 3 kunda 1 marta quyidagilarni yozing:

Oldinda qanday xarajatlar bor?

• Bolaga vaksinatsiya

• Kommunal to‘lovlar

• Sayohat uchun jamg‘arma

Shu ro‘yxat orqali muhim narsalarni oldindan ko‘ra boshlaysiz. Bu jamg‘arma madaniyatini ham kuchaytiradi.

Xulosa

Budjet yuritish — bu o‘zingizni jazolash emas. Unga oqilona, oila bilan birga, kulgi bilan yondashish ham mumkin. Har kuni 5 daqiqa – va orzularingizga bir qadam yaqinroq bo‘lasiz. Yaxshi budjet – bu baxtli oila.