Pop tumanidagi o‘rmonda yong‘in yuz berdi

Namangan viloyati, Pop tumani, Guliston mahallasida joylashgan Ibn-Sino o‘rmon xo‘jaligiga qarashli qir-adirlikda yong‘in sodir bo‘ldi.

Kun.uz’ga berilgan FVB ma’lumotiga ko‘ra, 12 avgust kuni soat 15:14 da yong‘in haqidagi xabar kelib tushgan.

Shunga ko‘ra, FVB 20 nafar xodimi, 2 ta texnikasi O‘rmon xo‘jaligining 20 nafar xodimi va 1 ta texnikasi yong‘in hududiga yetib borgan. Soat 15:40 da yong‘in o‘rab olinib, 16:05 da o‘chirilgan.

Taxminan 70 sotix maydonda quruq o‘t (shox-shabba) yongan.

Hodisa oqibatida tan jarohati olganlar yo‘q.