Hindistonda suv toshqinlari oqibatida 37 kishi halok bo‘ldi

Hindistonning Jammu va Kashmir regionida suv toshqinlari natijasida 37 kishi halok bo‘ldi, 100dan ortiq odam jarohatlandi.

Hindustan Times nashrining xabar berishicha, Kishtvar rayonida tinimsiz yomg‘ir yog‘ishi oqibatida suv toshqinlari yuzaga keldi.

Kishtvar hukumati vakili Pankaj Kumar Sharma dastlabki ma’lumotlarga ko‘ra, 37 kishi halok bo‘lgani, 100dan ortiq inson tan jarohati olganini ma’lum qildi.

Hududda qidiruv-qutqaruv ishlari davom etmoqda.

Hindiston bosh vaziri Narendra Modi X tarmog‘idagi sahifasida barcha jabrlanganlarga zarur yordam ko‘rsatilishini bildirdi.