Yevropa elchilari Putin sababli Xitoydagi paradda qatnashmasliklari mumkin – OAV

Yevropa mamlakatlarining Xitoydagi elchilari Rossiya prezidenti Vladimir Putinning ishtiroki bois Pekinda bo‘lib o‘tadigan harbiy paradni boykot qilishlari mumkin, deb yozmoqda South China Morning Post.

Xabarga ko‘ra, Yevropa elchilari paradda Putin va Rossiya harbiylari qatnashishi mumkinligidan xavotirda.

Hozircha Rossiya harbiylarining paradda ishtirok etishlari rasman tasdiqlanmagan.

Xabarda aytilishicha, ayrim diplomatlar paradda qatnashmaslikka qaror qilgan, ayrimlari esa ta’tilga chiqishni rejalashtirmoqda.

Pekinda 3 sentabr kuni harbiy parad bo‘lib o‘tadi. Tadbirda qator mamlakatlar rahbarlari, jumladan, Vladimir Putin ham ishtirok etadi.