Xitoy Afg‘onistonga “Bir kamar, bir yo‘l” loyihasiga qo‘shilishni taklif qildi

Xitoy tashqi ishlar vaziri Van I Kobulga tashrifi davomida Xitoy Afg‘oniston bilan hamkorlik sohalarini kengaytirishdan manfaatdor ekanligini aytdi.

Xabar qilinishicha, Van I Xitoy Afg‘onistonda geologiya-razvedka va qazilmalar qazib olishda hamkorlik qilishga qiziqayotganligini bildirdi.

Kobulda Van I va Afg‘oniston tashqi ishlar vaziri Amir Xon Muttaqiy o‘rtasida o‘tkazilgan muzokaralarda tomonlar Kobul va Pekin turli sohalardagi hamkorlikni kengaytirish istagida ekanligini qayd etgan. Xususan, Kobulga Xitoyning “Bir kamar, bir yo‘l” loyihasiga rasman qo‘shilish taklifi haqida so‘z borgan.

South China Morning Post nashrining yozishicha, Van I Afg‘onistonga uch kunlik tashrif bilan kelgan.