Хитой Афғонистонга “Бир камар, бир йўл” лойиҳасига қўшилишни таклиф қилди

Хитой ташқи ишлар вазири Ван И Кобулга ташрифи давомида Хитой Афғонистон билан ҳамкорлик соҳаларини кенгайтиришдан манфаатдор эканлигини айтди.

Хабар қилинишича, Ван И Хитой Афғонистонда геология-разведка ва қазилмалар қазиб олишда ҳамкорлик қилишга қизиқаётганлигини билдирди.

Кобулда Ван И ва Афғонистон ташқи ишлар вазири Амир Хон Муттақий ўртасида ўтказилган музокараларда томонлар Кобул ва Пекин турли соҳалардаги ҳамкорликни кенгайтириш истагида эканлигини қайд этган. Хусусан, Кобулга Хитойнинг “Бир камар, бир йўл” лойиҳасига расман қўшилиш таклифи ҳақида сўз борган.

South China Morning Post нашрининг ёзишича, Ван И Афғонистонга уч кунлик ташриф билан келган.