Himoyalanayotgan Ukraina g‘alaba qozonadigan holatda emas - Tramp

AQSh prezidenti Donald Tramp mudofaa pozitsiyasida turgan Ukraina Rossiya bilan urushda g‘alaba qozonadigan holatda emasligini aytdi.

U bugungi vaziyatga “Ukrainaga faqat himoyalanishni, hujumga o‘tmaslik”ni buyurgan Jo Bayden ma’muriyati sababchiligini aytdi.

Trampning fikricha, "bostirib kirgan davlatga qarshi hujumga o‘tmasdan turib, g‘alabaga erishish juda qiyin”.

"G‘alaba qozonishning imkoni yo‘q", - deb yozdi u Truth Social tarmog‘ida.

Amerika yetakchisi Kiyevni “faqat himoyalanishga ruxsat berilgan, hujumga o‘tish taqiqlangan” sport jamoasiga o‘xshatdi.