Bavariya bosh vaziri: Germaniyadagi ukrainaliklar ko‘proq ishlashi kerak

Germaniyadagi ukrainaliklar ko‘proq ishlashi kerak, dedi Bavariya bosh vaziri va Germaniyadagi hukmron koalitsiya tarkibiga kiruvchi Xristian-sotsial ittifoq (XSI) raisi Markus Zyoder 24 avgust, yakshanba kuni ARD telekanalidagi «Yozgi intervyu»da.

U Germaniyada, jumladan, ukrainalik qochqinlar uchun ham «ishlash uchun imtiyozlarni» oshirishga chaqirdi. "Mavjud tizim Germaniyada boshqa mamlakatlarga qaraganda, ukrainaliklar yaxshi ma’lumotga ega bo‘lsa-da, ishlayotganlari ancha kam ekanligini bildiradi. Bu ular va dunyoning boshqa qismlaridan kelgan odamlar o‘rtasidagi katta farq. Germaniyada qilayotgan ishimiz haqiqatdan ham bema’nilik. Bizda yaxshi o‘qimishli odamlar bor, lekin biz ularni ishlamasligi uchun rag‘batlar yaratamiz. Buni faqat Germaniya qilyapti. Yevropada buni hech kim tushunmaydi", dedi Zyoder.

Keyinchalik uning aniqlik kiritishicha, ko‘plab ukrainaliklar allaqachon Germaniyada ishlayapti. «Ammo ular ko‘proq narsani qilishi mumkin edi», deya qo‘shimcha qildi Bavariya bosh vaziri.