Qirg‘izistonga O‘zbekistondan 21 tonna qovun somon tufayli kiritilmadi

Hujjatli tekshiruv va 21 tonna qovun solingan avtomashinani ko‘zdan kechirish chog‘ida somon ham topilgan. Somon ham fitosanitariya xavfi yuqori bo‘lgan karantin mahsuloti bo‘lib, uning tarkibida xavfli karantin begona o‘tlar urug‘i yo‘qligi fitosanitariya sertifikatida ko‘rsatilishi kerak bo‘lgan. Somon karantin obektlari bilan ambroziya, povilika kabi ifloslanish (infeksiya) manbai hisoblanadi.

Karantin ostidagi mahsulotlarning har bir partiyasini olib kirish va olib chiqishga import qiluvchi davlatning karantin fitosanitar talablariga muvofiq fitosanitariya sertifikati bilan ruxsat etiladi.

Yevrosiyo iqtisodiy ittifoqining bojxona chegarasi va bojxona hududida karantin mahsuloti va karantin obektlariga nisbatan Yagona karantin fitosanitariya talablari buzilgani aniqlangani munosabati bilan karantin fitosanitariya nazorati bayonnomalari tuzilib, yuklarni qaytarish to‘g‘risida topshiriq berildi. O‘sh boshqarmasi xodimlari nazorati ostida qonunga zid ravishda olib kirilayotgan barcha mahsulotlar jo‘natuvchiga qaytarildi.