Ryutte Ukraina uchun xavfsizlik kafolatlarini talab qildi

Ukraina G‘arb ittifoqchilaridan ishonchli xavfsizlik kafolatlarini olishi kerak, dedi NATO bosh kotibi Mark Ryutte Kiyevda Ukraina prezidenti Volodimir Zelenskiy bilan qo‘shma matbuot anjumanida.

Ryuttening so‘zlariga ko‘ra, Zelenskiy va Rossiya prezidenti Vladimir Putin o‘rtasidagi ehtimoliy uchrashuv bo‘lgunga qadar, Ukraina «aniq do‘stlar kuchiga» ega bo‘lishi kerak. «Va biz hozir aynan shu narsa ustida ishlayapmiz», deb qo‘shimcha qildi Shimoliy Atlantika alyansi bosh kotibi.

NATO bosh kotibi, shuningdek, ishlab chiqilayotgan xavfsizlik kafolatlari Rossiya «boshqa hech qachon Ukrainaning bir kvadrat kilometrini egallab olishga urinmasligini» ta’minlashi kerakligini ta’kidladi. Ryuttening so‘zlariga ko‘ra, NATO va Qo‘shma Shtatlar bunday kafolatlarni taqdim etishda ishtirok etadi.

Ryutte, shuningdek, Yevropa va AQShning xavfsizlik kafolatlari Ukraina mudofaasining «ikkinchi qatlami» bo‘lishini, birinchisi, Ukraina armiyasining o‘zini kuchaytirishini t a’kidladi.