Yaponiya boshqa mamlakatlarni Xitoydagi g‘alaba paradida qatnashmaslikka chaqirdi

Yaponiya hukumati diplomatik kanallar orqali Osiyo va Yevropa mamlakatlarini Ikkinchi jahon urushidagi g‘alabaning 80 yilligiga bag‘ishlab 3 sentabr kuni Xitoyda bo‘lib o‘tadigan tadbirlar va harbiy paradda qatnashmaslikka chaqirdi. Bu haqda Kyodo agentligi xabar bermoqda.

«3 sentabr kuni Pekindagi Tyananmen maydonida Pekin o‘zining “Yapon agressiyasiga qarshi urush” va “Butunjahon fashistlarga qarshi urush”dagi g‘alabasi deb ataydigan tadbirni nishonlash uchun parad o‘tkaziladi», — deyiladi agentlik xabarida.

Agentlik manbalarining aytishlaricha, Yaponiya xorijdagi elchixonalari orqali boshqa mamlakatlarni Xitoydagi xotirlash tadbirlari yaponlarga qarshi qaratilgani, bu tadbirlarda qatnashishdan oldin yaxshilab o‘ylash kerakligini ma’lum qilgan.

Ma’lumotlarga ko‘ra, Xitoydagi tadbirda qator mamlakatlar rahbarlari, jumladan, Vladimir Putin ham ishtirok etadi.

Avvalroq Yevropa mamlakatlarining Xitoydagi elchilari Rossiya prezidenti Vladimir Putinning ishtiroki bois Pekinda bo‘lib o‘tadigan harbiy paradni boykot qilishlari mumkin, deb yozgandi South China Morning Post nashri.