Indoneziya prezidenti namoyishchilar talabini bajarishga rozi bo‘ldi

Indoneziya prezidenti Prabovo Subianto mamlakatdagi ommaviy norozilik namoyishlari ortidan parlament a’zolarining oylik maoshlariga ustama qo‘shilishi to‘g‘risidagi qarorni bekor qildi, deb xabar berdi Al Jazeera.

«Xalq so‘roviga javoban, partiyalar raislaridan ular noto‘g‘ri bayonot bergan parlament a’zolariga nisbatan keskin choralar ko‘rishgani haqida ma’lumot oldim», — dedi Subianto.

Uning qayd etishicha, 2025 yil 1 sentabrdan deputatlar oyliklariga ustama qo‘shish va ularning xorijiy safarlariga nisbatan moratoriy joriy qilinadi.

Indoneziya prezidenti namoyishlar tinch o‘tishi kerakligi, agarda odamlar jamoat obektlariga zarar yetkazadigan bo‘lsa, davlat o‘z fuqarolarini himoya qilish uchun aralashishini qo‘shimcha qildi.

28 avgust kuni Jakartada minglab ishchilar ommaviy norozilik namoyishlariga chiqishdi. Namoyishchilar va politsiya xodimlari o‘rtasida to‘qnashuvlar sodir bo‘ldi. Namoyish ishtirokchilari mehnat sharoitlari yaxshilanishi va oylik maoshlari oshirilishini hamda parlament tarqatib yuborilishini talab qilishdi.