O‘zbekiston va Ruminiya mehnat migratsiyasi sohasida hukumatlararo bitim imzolaydi

O‘zbekiston tashqi ishlar vazirining o‘rinbosari Olim Abdullayev Ruminiya elchisi Daniyel Kristian Chobanu bilan uchrashuv o‘tkazdi.

TIV ma’lumotiga ko‘ra, suhbat chog‘ida mehnat migratsiyasi sohasida ikki tomonlama hamkorlik masalalari muhokama qilindi. Jumladan, hukumatlararo bitim imzolash, noqonuniy migratsiyaga qarshi kurashish va konsullik maslahatlashuvlarini tashkil etish masalalari ko‘rib chiqildi.

Tomonlar tizimli muloqotni davom ettirishga o‘zaro qiziqish bildirganliklarini tasdiqladi va hamkorlikning qo‘shma choralarini amalga oshirish yuzasidan kelishuvga erishdi.