Germaniya sudi suriyaliklarning boshpana olish huquqini chekladi

Kyoln ma’muriy sudi Suriya fuqarosining Germaniyadan boshpana so‘rovi rad etilganiga qarshi da’vosini rad etdi. Nemis OAVning 17 sentabr, chorshanba kuni xabar berishicha, sudning qaroriga ko‘ra, erkak endi hokimiyatdan ag‘darilgan Bashar Asad rejimi, Damashqdagi muvaqqat hukumat yoki mamlakat shimoli va sharqidagi kurdlarning o‘zini o‘zi boshqarish ma’muriyati tomonidan ta’qibga uchramayapti.

Bundan tashqari, sudyalar uning tug‘ilgan Hasaka gubernatorligida harbiy harakatlar yoki boshqa o‘zboshimchalik harakatlari natijasida tasodifiy jarohat olish yoki o‘lim xavfi yo‘qligini aniqladi.

Sud, shuningdek, da’vogar hayoti uchun xavfli vaziyatda emasligini ta’kidladi. Suriyada ota-onasi, uch ukasi va xotini bor va ularnikida tekinga yashay oladi. Qaytgan shaxs o‘zini minimal darajada ta’minlay olishi esa individual ishning o‘ziga xos xususiyatlariga bog‘liq.