Qoʻshimcha funksionallar
-
Tungi ko‘rinish
Samarqandda yigit qizni kuch bilan mashinaga o‘tqazib, olib ketmoqchi bo‘ldi
Tarmoqlarda tarqalgan videoda yigit ko‘chada qizni mashinasiga majburlab o‘tqazmoqchi bo‘lgani aks etgan. Viloyat IIB holat yuzasidan rasmiy ma’lumot berdi.
Foto: Kun.uz
Samarqand viloyati IIB axborot xizmati rahbari Hamidullo Sagdullayevning Kun.uz’ga bildirishicha, holat 1 oktyabr kuni shaharning Go‘ri Amir mahallasi hududida yuz bergan.
Ta’kidlanishicha, 2002 yilda tug‘ilgan yigit o‘ziga tanish bo‘lgan qiz bilan sayr qilib yurgan vaqtida ular o‘rtasida kelishmovchilik chiqqan. Yigit kelishmovchilikni hal qilish maqsadida qizni mashinaga taklif qilgan, biroq u rozi bo‘lmagach uni mashinaga majburlab o‘tqazishga uringan.
Tergovga qadar tekshiruvlar davomida qiz yigitga nisbatan da’vosi yo‘qligini ma’lum qilgan.
Holat yuzasidan yigitga nisbatan Ma’muriy javobgarlik to‘g‘risidagi kodeksining 183-moddasi (mayda bezorilik) asosida hujjatlar rasmiylashtirilib, sudga yuborilgan.
Mavzuga oid
12:00 / 04.12.2025
Samarqanddan Urgutga poyezd harakatlanmoqda - bu iqtisodiyotga qanday ta’sir qiladi?
14:26 / 29.11.2025
Toshkent va Samarqand fuqarolik obektlari qurilishi bo‘yicha yetakchi hududlar bo‘ldi
18:31 / 26.11.2025
Samarqand viloyatida volfram majmuasi quriladi
18:39 / 25.11.2025