Xitoy Tibetda ulkan to‘g‘on qurishni boshladi – OAV

Xitoy Tibetdagi Yarlung-Tsangpo daryosi kanonida «Medog» gidroelektrostansiyasining to‘g‘oni qurilishini boshladi, deb xabar berdi Foreign Policy.

Ekolog Ven Tszyabaoning so‘zlariga ko‘ra, ushbu qurilish o‘ta maxfiy tarzda olib borilmoqda. Uning ta’kidlashicha, loyiha mahalliy o‘simlik va hayvonot dunyosiga tahdid soladi.  

Janubiy Osiyo masalalari bo‘yicha ekspert Niraj Singx Manxasning qayd etishicha, Xitoyning Braxmaputra transchegaraviy daryosining boshlanish nuqtasi ustidan nazorat o‘rnatishi uning Hindiston va Bangladeshga ta’sirini kuchaytirishi mumkin.  

Ekspertlarning fikricha, “megato‘g‘on”ning oshkora ekologik va ijtimoiy baholashlarsiz qurilishi mintaqa suv resurslari va iqlimi uchun jiddiy oqibatlar keltirib chiqarishi mumkin.