Shavkat Mirziyoyev YuNeSKOning yangi bosh direktori bilan uchrashdi

12 noyabr kuni prezident Shavkat Mirziyoyev YuNeSKO bosh direktori lavozimiga saylangan Holid al-Ananiyni qabul qildi. Suhbatda Bosh konferensiyaning 43-sessiyasi yakunlari va YuNeSKO–O‘zbekiston hamkorligini yanada rivojlantirish istiqbollari muhokama qilindi.

Foto: Prezident matbuot xizmati

Uchrashuv avvalida davlat rahbari Holid al-Ananiyni yuksak lavozimga saylangani bilan tabriklab, unga kelgusi faoliyatida muvaffaqiyatlar tiladi. Yangi saylangan bosh direktor o‘z navbatida prezidentga YuNeSKOning bosh tadbiri qo‘llab-quvvatlangani va yuksak saviyada tashkil etilgani uchun minnatdorlik bildirdi.

Tomonlar O‘zbekiston va YuNeSKO o‘rtasidagi tizimli, sermahsul hamkorlik keng qamrovli yo‘nalishlarni o‘z ichiga olayotganini mamnuniyat bilan qayd etdi. Tashkilotning mamlakatdagi loyihaviy faoliyatini kengaytirish, qo‘shma dastur va tashabbuslarni amaliy ijroga yo‘naltirish borasida sa’y-harakatlarni yanada faollashtirishga tayyorlik tasdiqlandi.

YuNeSKO Bosh konferensiyasining ochilish marosimida O‘zbekiston prezidenti tomonidan ilgari surilgan strategik tashabbuslarni hamkorlikda amalga oshirish masalalari atroflicha ko‘rib chiqildi.

Tayyorlagan: Отабек Матназаров

#YuNeSKO #Shavkat Mirziyoyev

Mavzuga oid

20:47 / 05.12.2025

Shavkat Mirziyoyev Xitoyning yetakchi kompaniyalari rahbarlari bilan uchrashdi

15:41 / 05.12.2025

BAA kompaniyalari O‘zbekistonda yangi quyosh, shamol va GES loyihalarini amalga oshiradi

13:20 / 05.12.2025

O‘zbekiston 2035 yilga qadar zararli gazlar emissiyasini 50 foizga qisqartirish majburiyatini oldi