Trampning boyligi sentabr oyidan beri milliard dollarga kamaydi

AQSh prezidenti Donald Trampning boyligi 2025 yil sentabridan beri 1,1 milliard dollarga kamayib, 6,2 milliard dollarni tashkil etmoqda. Bu haqda Forbes xabar berdi.

Nashrning baholashicha, yo‘qotishlar Trump Media & Technology Group kompaniyasi aksiyalari narxining pasayishi bilan bog‘liq bo‘lib, sentabr oyida ular 17 dollar atrofida sotilgan edi. Hozirgi vaqtda bitta aksiyani 10,3 dollarga sotib olish mumkin.

Amerika yetakchisi Forbes milliarderlari ro‘yxatida 595-o‘rinni egallab turibdi. Sentyabr boshida jurnal Trampning boyligi 7,3 mlrd dollarga yetgani va u dunyoning eng boy odamlari ro‘yxatining 201-pog‘onasidan joy olgani haqida yozgandi.