«Arsenal» derbida 4 ta gol urdi, «Real» yana ochko yo‘qotdi

Angliya: «Tottenhem» yakson etildi

«Arsenal» – «Tottenhem» 4:1
Gollar: Trossar, 36 (1:0). Eze, 41 (2:0). Eze, 46 (3:0). Risharlison, 55 (3:1). Eze, 76 (4:1)
«Arsenal»: Rayya, Saliba, Inkapiye (Moskera, 88), Kalafiori (Lyuis-Skelli, 90+2), Timber, Subimendi, Rays, Eze, Trossar (Madueke, 78), Saka, Merino (Nvaneri, 88)
«Tottenhem»: Vikario, Romero, van de Ven, Danso (Simons, 46), Palinya, Bentankur (Sarr, 66), Udoji, Spens (Porro, 78), Quddus (Jonson, 78), Odober (Kolo Muani, 66), Risharlison
Ogohlantirishlar: Rays, 87 – Bentankur, 32. Romero, 70. Porro, 87

«Siti»ning shanba kungi mag‘lubiyatidan keyin «Arsenal» ikkinchi o‘rin bilan oradagi farqni olti ochkoga oshirib olish imkoniyatiga ega bo‘ldi. Va Arteta shogirdlari bu vazifani ishonchli tarzda uddalashdi. Hatto qator yetakchi futbolchilar jarohat tufayli yordam bera olmagan bo‘lsa-da. Gabriel Magalyayns terma jamoa yig‘inidan jarohat bilan qaytdi va yaqin haftalarda jamoaga yordam berolmaydi. Uning o‘rniga markaziy himoyada yozda «Bayyer»dan ijaraga olingan Piyero Inkapiye tushdi, bu ekvadorlik futbolchi uchun APLda ilk bor boshlang‘ich tarkibdan o‘rin olishi bo‘ldi.

«Tottenhem» bosh murabbiyi Tomas Franko besh himoyachidan iborat tarkib tanladi (Kristian Romero, Mikki van de Ven va Kevin Danso markaziy himoyada). Yevropa Superkubogi uchun «PSJ»ga qarshi o‘yinda bu g‘oya ish bergandi, bu safar esa o‘ylangan ishlar o‘xshamadi. O‘yinning uchinchi daqiqasidayoq Deklan Rays qulay nuqtadan zarba yo‘llab, hisobni ochishi mumkin edi, ammo to‘p darvozabon turgan joyga bordi. Va butun bo‘lim davomida o‘yin faqat bir darvoza tomon kechdi. Mehmonlar qo‘polliklar evaziga «Arsenal» hujumlari tempini tushirishga harakat qildi, ammo bu foyda bermadi. Van de Ven Leandro Trossarning oyog‘ini bosib oldi, ammo hakam bu harakat uchun hatto sariq kartochka ham ko‘rsatmadi. Keyin Joau Palinya raqibni qulatdi, ko‘p o‘tmay Muhammad Quddus butsalarining ostki qismi bilan Inkapiyening qoniga tepdi, hakam ularni kechirdi. Natijada «Arsenal» futbolchilari ham javob qaytarishni boshladi, Rikkardo Kalafiori va Bukayo Saka ham yaqqol follar ishlatishdi.

Barcha «Arsenal» o‘z golini urishini his qilib turardi va bu 36-daqiqada ro‘y berdi. Yokeresh safga qaytmagani tufayli yana bir bor markaziy hujumchi pozitsiyasida tushgan Mikel Merino himoyachilar ortiga shedevr pas uzatdi, Trossar to‘pni o‘ziga bo‘ysundirdi va o‘girilib, burchakni aniq nishonga oldi. Besh daqiqa o‘tib mezbonlar ikkinchi golni ham urishdi. Bu safar Eberechi Eze jarima maydoni chizig‘i oldida Raysdan to‘pni qabul qilib olib, finti bilan himoyachilarni yo‘ldan oldi va to‘pni yerlatib burchakka aniq yo‘naltirdi. Birinchi bo‘limda Arteta shogirdlari zarbalar bo‘yicha yaqqol ustunlikka erishdi – 8:0. To‘p amalda «Tottenhem» hujum chizig‘i vakillarigacha yetib bormadi. Risharlison esa birinchi bo‘lim davomida biror marta aniq uzatma berolmadi.

Frankdan kamchiliklar ustida ishlashi va «Tottenhem» maydonga boshqacha holatda chiqib kelishi kutilgandi. Ammo ikkinchi bo‘lim boshlanganidan bir daqiqa ham o‘tmasdan «Arsenal» hisobni yiriklashtirdi. Yana Eze yana o‘sha nuqtadan gol urdi, bu safar chap oyog‘ida.

O‘yin taqdiri amalda hal bo‘lgandi, ammo «Tottenhem» baribir David Rayya darvozasini ishg‘ol etishdi. Maydon markazida Subimendi raqib futbolchilari bosimida to‘pni yo‘qotdi, bu vaqtda oldinroqqa chiqib ketgan darvozabon esa Risharlisonning kutilmaganda taxminan 40 metr masofadan yo‘llagan zarbasiga reaksiya ko‘rsatishga ulgurmadi.

Shu tariqa, «Tottenhem» o‘yin boshidan buyon yo‘llagan ilk zarbasidan hisobni qisqartirdi. Endi «Arsenal» bu mavsumda o‘tkazib yuborgan gollar soni oltitaga yetdi (APL rekordi 2004/2005 yillar mavsumida 15 gol o‘tkazgan «Chelsi»ga tegishli).

Ammo o‘yindagi oxirgi golni ham baribir mezbonlar urishdi. Va Eze yana bir bor o‘z nomini tabloga yozdirib qo‘ydi. E’tiborli jihati, yozda u «Tottenhem» futbolchisiga aylanishi mumkin edi, ammo uning o‘zi yoshlikdagi jamoasiga murojaat qilib, o‘zini sotib olishni so‘ragach, barchasi o‘zgarib ketgandi. U o‘yin oxirida poker muallifiga aylanishi ham mumkin edi, ammo Gulelmo Vikario navbatdagi seyvini amalga oshirdi (o‘yin davomida jami 7 ta seyv).

«Arsenal» APLda peshqadamlikni mustahkamladi va YeChLda «Bavariya»ga qarshi o‘yinga tayyorlana boshladi. «Tottenhem» to‘qqizinchi o‘ringa tushdi va ularni ham YeChLda «PSJ»ga qarshi qiyin o‘yin kutmoqda.

«Lids» – «Aston Villa»
Gollar: Nmecha, 8 (1:0). Rodjyers, 48 (1:1). Rodjyers, 75 (1:2)
«Lids»: Perri, Streyk, Rodon, Gudmundsson, Bogl, Ampadu, Shtax (Tanaka, 23, Jyeyms, 71), Longstaff, Okafor (Piru, 80), Aaronson (Nionto, 80), Nmecha (Kalvert-Lyuin, 71)
«Aston Villa»: Martines, Konsa, Pau Torres, Din (Matsen, 46), Kesh, Tilemans (Bogard, 84), Kamara, Buendiya (Malen, 46), Makginn (Barkli, 69), Uotkins (Sancho, 69), Rodjyers
Ogohlantirishlar: Bogl, 41. Tanaka, 45. Ampadu, 63. Streyk, 74. Nionto, 89 – Makginn, 53

Yevrokuboklar zonasiga chiqib olgan «Aston Villa» Lidsdagi o‘yinda standart vaziyatdan keyin tezkor gol urdi, mehmonlarning e’tirozlari inobatga olinmadi. Vaziyatni uzoq o‘rgangan VAR ofsayd holatini ham, Emiliano Martinesga fol ishlatilganini ham qayd etmadi, darvozabon raqib bilan to‘qnashuvdan keyin gazonga qulab, to‘pga yeta olmadi. Birminghemliklar ushbu raqibga qarshi oldingi uch uchrashuvda gol o‘tkazib yubormagandi, ammo Daniel Farke jamoasi bu mavsumda uy uchrashuvlarida maydonni golsiz tark etmayapti.

Birinchi bo‘lim oxirigacha «Villa»ning hujumdagi ishlari ham yurishmadi, ammo Unai Emerining tanaffusda amalga oshirgan almashtirishlari darhol ish berdi va Rodjyers zaxiradan tushgan Malenning uzatmasidan keyin to‘pni bir teginishda darvoza to‘riga yo‘lladi. Mehmonlar ikkinchi bo‘limni a’lo darajada o‘tkazishdi, Rodjyers esa jarima zarbasidan ham gol ura olishini namoyish etdi. U to‘pni «jonli devor» ustidan shunday o‘tkazdiki, darvozabon to‘p yo‘nalishini tomosha qilib turishdan boshqa chora topa olmadi. «Lids» darhol hujumga o‘tib, darvozani ishg‘ol qildi, ammo Jyeymsning zarbasi bo‘sh darvoza qarshisidagi Kalvert-Lyuinning qo‘liga tegib o‘tgani uchun bu gol bekor qilindi. «Villa» g‘alabali hisobni saqlab qoldi va «Kristal Pelas»ni quvib o‘tib, to‘rtinchi o‘ringa ko‘tarildi. Ikkinchi o‘rindagi «Chelsi» bilan oradagi farq atigi ikki ochko.

Ispaniya: «Matraschilar» to‘rtinchi o‘rinni mustahkamladi

«Xetafe» – «Atletiko»
Gollar: Duarte, 82 avtogol (0:1)
«Xetafe»: Soriya, Dakonam, Abkar (Kiko Femeniya, 77), Duarte, Riko, Iglesias (Xuanmi, 87), Milya (Munyos, 90), Arambarri, Martin (Sankris, 86), Liso (da Kosta, 77), Mayoral
«Atletiko»: Musso, Ximenes, Langle, Rudjyeri (Gansko, 69), Liorente (Grizmann, 14), Koke (Syorlot, 59), Barrios, Gonsales (Gallaher, 69), Molina, Baena, Alvares (Raspadori, 59)
Ogohlantirishlar: Abkar, 40. Martin, 79 – Alvares, 49. Ximenes, 57. Musso, 90

«Atletiko» Xose Bordalasning himoya devorini ancha vaqtgacha yorib o‘tolmadi va «Xetafe»ning navbatdagi qurboniga aylanishiga mumkin edi. Ammo o‘yin oxirida «matraschilar» baribir omadni o‘ziga kulib boqishga majbur eta olishdi. Diagonal uzatmadan keyin Raspadori bir teginishda to‘pni darvozabon hududiga yo‘naltirdi, u yerda Grizmann zarba berishga to‘sqinlik qilishga uringan Duarte esa o‘z darvozasini ishg‘ol etib qo‘ydi.

Diyego Simeone g‘alabadan mamnun bo‘lishi mumkin, ammo 14-daqiqadayoq jarohat tufayli Liorenteni almashtirishga majbur bo‘lganidan qattiq ranjigani ham tayin. YeChLda «Inter»ga qarshi kechadigan o‘yinda ushbu futbolchining o‘rnini bosish qiyin bo‘ladi «Interom», La ligada esa madridliklar to‘rtinchi o‘rinni mustahkamladi. Bir tomondan, uchinchi o‘rindagi «Vilyarreal» bilan oradagi farq atigi bir ochko. Boshqa tomondan bu turda «Jirona» bilan o‘yinda ochko yo‘qotgan (1:1) «Betis» yetti ochkolik farq bilan ortda qoldirilmoqda.

«Elche» – «Real» 2:2
Gollar: Febas, 53 (1:0). Hausen, 78 (1:1). Rodriges, 84 (2:1). Bellinghem, 87 (2:2)
«Elche»: Penya, Nunes, Affengryuber, Chust, Valera (Bigas, 83), Fort (Pedrosa, 66), Aguado (Petro, 83), Febas, Diangana (Neto, 66), Andre Silva (Rodriges, 79), Mir
«Real»: Kurtua, Hausen, Karreras (Dias, 88), Raul Asensio, Arda Guler (G. Garsiya, 64), Sebalyos (Kamavinga, 57), F. Garsiya (Valverde, 57), Aleksandr-Arnold, Bellinghem, Mbappe, Rodrigu (Vinisius Junior, 57)
Ogohlantirishlar: Affengryuber, 57. Chust, 68. Febas, 88
Chetlatish: Chust, 90 (ikkinchi sariq)

Aleksander-Arnold 30 avgustdan buyon ilk bor «Real» boshlang‘ich tarkibida paydo bo‘ldi, Xabi Alonso esa uch markaziy himoyachidan iborat sxemani tanladi, ulardan biri odatda qanotda harakatlanuvchi Karreras bo‘ldi. Va aynan u jarima maydoni yaqinida qo‘pol xatoga yo‘l qo‘ydi va shundan keyin Kurtua Rafa Mir bilan yakkama-yakka vaziyatda o‘zini ko‘rsatishiga to‘g‘ri keldi.

«Elche» yana bir bor dadil va tajovuzkor jamoa ekanini ko‘rsatdi. Yaqinda «Barselona» ham ushbu jamoaga qarshi juda qiynalgandi. Madridliklarga ham raqib darvozasi oldida xavfli vaziyatlar yaratishni boshlashi uchun ma’lum vaqt talab etildi. Ammo Mbappe ikki bor yakkama-yakka vaziyatda darvozabon Inyaki Penyani alday olmadi. Bo‘lim oxirida esa Kurtua Silvaning yaqin masofadan burchak tomon yo‘llagan zarbasini oyoqlari bilan qaytardi va darvozabonlar seyvlari bo‘yicha hisob tenglashdi (2:2).

Ikkinchi bo‘lim boshida Rodrigoning zarbasidan keyin Penya yana bir seyv ijro etdi. Braziliyalik vinger qaymoqranglilar safida 29 o‘yindirki gol urolmayapti. Ko‘p o‘tmay Valeraning tovonda bergan pasidan keyin madridliklar tarbiyalanuvchisi Febas hisobni ochdi. Uning sobiq jamoadoshlari esa burchak zarbasi orqali hisobni tenglashtirishdi, Bellinghem havodagi kurashda yutib chiqdi va Hausen yaqin masofadan zarba berdi.

Ammo madridliklar yana bir bor gol o‘tkazib yuborishdi. Rodriges Raul Asensioni osonlik bilan aldab o‘tib, Kurtuani ham ilojsiz ahvolda qoldirdi. Madridliklar faqat Mbappening sa’y-harakatlari bilan mag‘lubiyatdan qutulib qoldi. U maydonni tark etayotgan to‘pni to‘xtatib qoldi va Judni golli pas bilan ta’minladi. Qo‘shimcha daqiqalarda Gonsalo Garsiya g‘alaba golini urib ketishi ham mumkin edi, ammo u Kamavinganing uzatmasiga yetib borolmadi. «Real» qatorasiga ikkinchi turda g‘alaba qozona olmadi va endi «Barsa»ni o‘ziga atigi bir ochkolik masofada yaqinlashtirdi.

Italiya: «Roma» birinchi o‘rinda

«Kremoneze» – «Roma» 1:3
Gollar: Soule, 17 (0:1). Fergyuson, 64 (0:2). Uesli Vinisius, 69 (0:3). Folino, 90+3 (1:3)
«Kremoneze»: Audero, Baskirotto, Byanketti (Folino, 80), Terrachchano, Vandeputte (Grassi, 70), Payyero (Petssella, 57), Bondo, Floriani (Vaskes, 57), Barberi, Vardi, Bonatssoli (Sanabriya, 80)
«Roma»: Svilar, N`Dika, Tsiolkovski (Al-Aynaviy, 46), Manchini, Kristante, Kone, Uesli Vinisius (Tsimikas, 80), Zeki Chelik, Pellegrini (Fergyuson, 60), Baldansi (Al-Sha’roviy, 60), Soule (Pizilli, 85)
Ogohlantirishlar: Payyero, 32. Bondo, 82 – Tsiolkovski, 45. Al-Aynaviy, 84

Peshqadamlik poygasida qatnashayotgan «Roma» bu turda o‘ta noqulay raqibga qarshi to‘qnashdi. «Kremoneze» o‘yin favoritiga qaraganda keskinroq harakat qildi va o‘yinning ko‘p qismida tashabbusga egalik qildi. Soule aylanma zarbasi bilan hisobni ochganidan keyin ham Svilar mezbonlarning bir hujumida ikki seyv amalga oshirishiga to‘g‘ri keldi. «Bo‘rilar» kiperi birinchi zarbani darvoza to‘siniga chiqarib yuborishga erishdi, keyin esa bir yarim metr masofadan yo‘llangan takroriy zarbani qaytardi. Bo‘lim oxiri esa burilish nuqtasiga aylanishi mumkin edi. Birinchidan, mezbonlar darvozaboni o‘z seyvi bilan Pellegrinini goldan mahrum qildi (avvalroq ushbu futbolchining goli VAR aralashuvi bilan bekor qilingandi). Ikkinchidan, arbitr to‘p qo‘lga tekkani uchun rimliklar darvozasiga penalti qo‘ydi, ammo videohakamlar yana vaziyatga aralashib, bosh hakamni monitor qarshisiga chorlashdi va qaror o‘zgartirildi.

Ikkinchi bo‘limda esa «Roma» to‘liq ustunlik qildi va kerakli ustunlikka erishdi. Yozda xarid qilingan Fergyuson nihoyat ilk golini urdi. Ko‘p o‘tmay zaxiradan o‘yinga qo‘shilgan Al-Sha’roviy Ueslini golli pas bilan ta’minladi va amalda o‘yin taqdiri hal bo‘ldi.

«Inter» – «Milan» 0:1
Gol: Pulishich, 54 (0:1)
Aniq ijro etilmagan penalti: Hoqon Chalxono‘g‘li, 74’
«Inter»: Zommer, Acherbi (Diuf, 85), Bastoni, Akanji, Suchich, Hoqon Chalxono‘g‘li (Zelinski, 78), Barella (Espozito, 85), Dimarko, Karlos Augustu, Tyuram, Martines (Bonni, 66)
«Milan»: Menyan, Gabbia, Pavlovich, Tomori, Rabio, Modrich, Fofana (Richchi, 78), Bartesagi, Salemakers, Leau (Loftus-Chik, 86), Pulishich (Nkunku, 78)
Ogohlantirishlar: Hoqon Chalxono‘g‘li, 61 – Leau, 45. Pavlovich, 72

Yakshanba oqshomidagi yana bir derbining birinchi bo‘limi to‘liq «Inter» nazoratida o‘tdi, ammo Menyan tabloda nollar saqlanib qolishiga sababchi bo‘ldi. Mehmonlar darvozaboni o‘yin startidayoq Tyuramning boshda yo‘llagan zarbasidan keyin burchakka qarab ketayotgan to‘pni qaytardi. Tanaffus arafasida esa Lautaro Martinesga qulay vaziyatdan gol urishga imkon bermadi. Lekin bu «Milan» asosan himoyada o‘tirganini anglatmaydi. Masalan, bo‘lim oxirida Pulishich hisobni ochishi mumkin edi.

Ikkinchi bo‘limda Massimiliano Allegrining pragmatik rejasi baribir ish berdi. Rossonerilar neradzurrilarning navbatdagi hujumlari to‘lqinidan omon chiqishdi va raqib maydon markazida to‘p yo‘qotishidan foydalanishdi. Tezkor qarshi hujumni Salemakers xavfli zarba bilan yakunladi, Zommer qaytargan to‘pga birinchi bo‘lib Pulishich yetib keldi. Ko‘p o‘tmay Pavlovich Tyuramning oyog‘ini bosib olganidan keyin belgilangan penalti «Inter»ga mag‘lubiyatdan qutulib qolish imkonini taqdim etdi. Odatda «Inter» raqiblari darvozasiga 11 metrlik jarima zarbasi belgilanishi va uni Chalxono‘g‘li ijro etishini hukm deb hisoblasa bo‘ladi. Ammo bu safar Menyan maydonga o‘zining eng yaxshi o‘yinlaridan birini o‘tkazish uchun chiqqandi. Aynan uning seyvlari «Milan»ga derbida g‘olib chiqish va ikkinchi o‘ringa chiqib olish imkonini berdi, «Inter» esa ochkolar soni bo‘yicha «Roma»ga yeta olmadi va to‘rtinchi o‘ringa tushib ketdi.

Germaniya: Germaniyada yangi iste’dod

«RB Leypsig» – «Verder» 2:0
Gollar: Uedraogo, 63 (1:0). Shlager, 80 (2:0)
«RB Leypsig»: Gulachi, Orban, Lyukeba, Raum, Baku, Zayvald, Baumgartner (Banzuzi, 90+1), Uedraogo (Gomis, 90+1), Nusa (Shlager, 68), Diomande (Finkgrefe, 90+4), Harder (Bakayoko, 68)
«Verder»: Bakhaus, Piper, Kulibali, Fridl, Sugavara, Stage, Linen (Chovich, 89), Shmid, Gryull (Mbangula, 73), Puertas (Ndjinma, 73), Topp (Bonifase, 73)
Ogohlantirishlar: Harder, 41 – Fridl, 19. Piper, 69

«Leypsig» bu mavsumda yorqin va sermahsul o‘yin ko‘rsatmoqda. Ammo jamoa bu safar «Verder» himoyasini buzib o‘tishga qiynaldi. Buning uchun ikkinchi bo‘limda 19 yoshli Uedraogo o‘zini ko‘rsatishi talab etildi, xalqaro tanaffus vaqtida Germaniya milliy jamoasidan ilk bor chaqiruv olgan va bu darajadagi ilk golini urgan futbolchi bu safar «to‘qqizlik»ni aniq nishonga olib, stadionni larzaga keltirdi. O‘yin oxirlarida esa Raum ijrosidagi burchak zarbasidan keyin intrigaga uzil-kesil barham berildi. Baumgartner «ikkinchi qavat»da to‘p uchun kurashda ustun keldi va Shlager esa yuzaga kelgan imkoniyatdan foydalandi. Ole Verner jamoasi «Bayyer»ni quvib o‘tib, ikkinchi o‘ringa chiqdi, «Shtutgart» esa Leypsigdagi o‘yin natijasi tufayli kuchli to‘rtlikni tark etdi. Bu jamoa qo‘shimcha ko‘rsatkichlar evaziga Dortmundning «Borussiya» klubidan ortda, oltinchi o‘rinda «Ayntraxt» ikki ochkolik farq bilan ta’qib qilmoqda.