Iste’molchi murojaatlari uchun yangi onlayn platforma ishga tushirildi

Raqobat qo‘mitasi tomonidan iste’molchi huquqlarini himoya qilish sohasida yana bir qulay axborot texnologiyasi joriy etildi. Yangi onlayn platforma orqali jismoniy va yuridik shaxslar o‘z murojaatlarini masofadan turib yuborish imkoniyatiga ega bo‘ldi.

Mazkur platforma orqali foydalanuvchilar nafaqat murojaat taqdim etishi, balki uning ko‘rib chiqilishi jarayonini ham real vaqt rejimida kuzatib borishi va yakuniy qaror bilan onlayn tanishishi mumkin. Bu esa murojaatlarni ko‘rib chiqishda oshkoralik va shaffoflikni ta’minlashga xizmat qiladi.

Iste’molchilar o‘z murojaatlarini Fair tech yagona axborot tizimi orqali yuborishi mumkin: 👉 https://cabinet.fairtech.uz/ariza/default

Shuningdek, murojaat yo‘llash yanada qulay bo‘lishi uchun mobil ilovalar ham ishga tushirilgan. Foydalanuvchilar quyidagi platformalar orqali tizimdan foydalanishi mumkin:

Play Market orqali: 👉 play.google.com;
App Store orqali: 👉 apps.apple.com.

Yangi platforma iste’molchi murojaatlarini qabul qilish va ko‘rib chiqish jarayonlarini raqamlashtirish, vaqt va mablag‘ni tejash, shuningdek, fuqarolarning murojaat qilish madaniyatini oshirishga qaratilgan.