O‘zbekistonliklar eng ko‘p safar qilayotgan davlatlar ma’lum qilindi

Milliy statistika qo‘mitasi ma’lumotlariga ko‘ra, joriy yilning 10 oyida o‘zbekistonliklar eng ko‘p qo‘shni va mintaqaviy mamlakatlarga borishni afzal ko‘rgan.

O‘zbekiston fuqarolari eng ko‘p safar qilgan top-10 davlat quyidagicha shakllandi:

• Qirg‘iziston — 2,8 mln nafar;
• Qozog‘iston — 1,2 mln nafar;
• Tojikiston — 1,1 mln nafar;
• Rossiya — 370,1 ming nafar;
• Saudiya Arabistoni — 237,1 ming nafar;
• Turkiya — 230,8 ming nafar;
• Birlashgan Arab Amirliklari — 114,1 ming nafar;
• Misr — 56,2 ming nafar;
• Xitoy — 39,6 ming nafar;
• Vetnam — 32,8 ming nafar;
• boshqa davlatlar — 204,1 ming nafar.

Qayd etilishicha, xorijga chiqish safarlari sonining ortishi aholi daromadlari o‘sishi, turpaketlar va aviaqatnovlar geografiyasining kengayishi, shuningdek, qator davlatlar bilan vizasiz rejim va yengillashtirilgan viza tartiblarining joriy etilgani bilan izohlanmoqda.

Shu bilan birga, qo‘shni Qirg‘iziston, Qozog‘iston va Tojikistonga safarlar ulushining yuqoriligi iqtisodiy, oilaviy va mehnat aloqalari, shuningdek, yaqin masofa va safar xarajatlarining nisbatan arzonligi bilan bog‘liq ekani ta’kidlanadi.