Saida Mirziyoyeva Turkmanistondagi xalqaro konferensiyada ishtirok etdi

Prezident Administratsiyasi rahbari Saida Mirziyoyeva Turkmanistonning Avaza shahrida «Zamonaviy jamiyatda xotin-qizlarning o‘rni» mavzusidagi xalqaro konferensiyada ishtirok etdi.

«Bugun Avazada «Zamonaviy jamiyatda xotin-qizlarning o‘rni» mavzusidagi xalqaro konferensiyada teng huquqlilik va xotin-qizlar hissasining muhimligi g‘oyalari chuqur tarixiy ildizlarga ega ekani haqidagi fikrlarim bilan o‘rtoqlashdim. O‘zbekistonda xotin-qizlarning ta’lim, tadbirkorlik sohalarida imkoniyatlarini kengaytirish va huquqlarini himoya qilish bo‘yicha amalga oshirilayotgan ishlar haqida so‘zlab berdim.

Xotin-qizlar huquqlarini hurmat qilish, bunda o‘zaro qo‘llab-quvvatlash va hamjihatlik muhimligini qayd etdim. Ishonamanki, birgalikdagi sa’y-harakatlarimiz bilan har bir ayol o‘z salohiyatini to‘liq ro‘yobga chiqarishi uchun sharoit yarata olamiz», deb yozdi Saida Mirziyoyeva.