Adliya vazirligi feyk xat va havolalardan ogohlantirdi

Adliya vazirligi tadbirkorlar va fuqarolar elektron pochtalariga vazirlik nomidan yuborilayotgan soxta xatlar tarqalayotganini ma’lum qilib, bunday xabarlarga ishonmaslik va ulardagi havola hamda QR-kodlarni ochmaslikka chaqirdi.

Rasmiy ma’lumotga ko‘ra, tadbirkorlar va fuqarolar tomonidan elektron pochta manzillariga shubhali xatlar kelayotgani bo‘yicha murojaatlar kelib tushmoqda.

Adliya vazirligi ta’kidlashicha:

bunday ko‘rinish va mazmundagi xatlar vazirlikka umuman aloqador emas;
ular feyk xabar hisoblanadi;
xatdagi havolalar va QR-kodlar fuqarolarning shaxsiy ma’lumotlarini o‘g‘irlaydigan soxta saytlarga yo‘naltirishi mumkin.

Rasmiy tarzda tadbirkorlar va fuqarolardan firibgarlarga aldanmaslik, shubhali elektron xatlar va “vazirlik nomidan” yuborilgan telefon/onlayn xabarlarga ishonmaslik, zarurat bo‘lganda esa ma’lumotni faqat Adliya vazirligining rasmiy kanallari orqali tekshirib ko‘rish so‘ralgan.