Qoʻshimcha funksionallar
-
Tungi ko‘rinish
Qoraqalpog‘istonda soliq boshqarmasi ikki xodimi ushlandi
Qoraqalpog‘iston soliq boshqarmasining ikki bosh inspektori tadbirkordan jarimani kamaytirib berish evaziga $2 ming talab qilgani aytilmoqda. Ular vositachi yordamida 700 dollar va 15 mln so‘m olayotganida qo‘lga olindi.
Foto: DXX matbuot xizmati
Qoraqalpog‘iston respublikasida soliq boshqarmasining ikki xodimi tadbirkordan pora olgani uchun ushlandi. Bu haqda Davlat xavfsizlik xizmati xabar berdi.
Ma’lum qilinishicha, soliq boshqarmasining ikki nafar bosh inspektori Nukus shahrida oziq-ovqat mahsulotlari chakana savdosi bilan shug‘ullanuvchi mas’uliyati cheklangan jamiyat faoliyatini tekshirish davomida, go‘yoki 213 million so‘mlik soliq qonunchiligi buzilgani aniqlanganini aytib, ushbu summani 34 million so‘mgacha kamaytirib berish evaziga MChJ rahbaridan 2 ming dollar talab qilgan.
Davlat xavfsizlik xizmati xodimlari tomonidan o‘tkazilgan tezkor tadbirda, bosh inspektorlar tamagirlik yo‘li bilan 700 dollar va 15 million so‘m pulni o‘rtada vositachilik qilgan soliq idorasi sobiq xodimi orqali olgan vaqtlarida ularning noqonuniy harakatlariga chek qo‘yilgan.
Hozirda mazkur holat yuzasidan uchala shaxsga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Mavzuga oid
08:27 / 25.12.2025
Namanganda ko‘mir ombori rahbari lavozimiga tayinlash uchun 40 ming talab qilgan shaxslar ushlandi
08:59 / 20.12.2025
Samarqand va Surxondaryoda yirik miqdordagi giyohvandlik vositalari olib kirishga urinish to‘xtatildi
14:57 / 15.12.2025
Qoraqalpog‘istonda uch kishi is gazidan vafot etdi
17:59 / 14.12.2025