Ispaniyada poyezd kran bilan to‘qnashdi

Renfe ma’lumotlariga ko‘ra, Kartaxena bilan taxminan yarim soatlik yo‘lda joylashgan Los-Netos aholi punkti o‘rtasida poyezdlar harakati to‘xtatilgan. Kompaniya vakili kran temiryo‘l operatoriga tegishli emasligini ta’kidlagan.

Qutqaruv xizmatlari ma’lumotiga ko‘ra, hodisa Alumbres aholi punktida sodir bo‘lgan. Shu bilan birga, Renfe qayd etishicha, to‘qnashuv shahar atrofi qatnoviga xizmat qiladigan poyezdning relsdan chiqib ketishiga olib kelmagan.

O‘tgan yakshanba kuni mamlakat janubidagi Andalusiya mintaqasida, Adamus yaqinida tezyurar poyezd relsdan chiqib ketib, qarshi tomondan kelayotgan tarkib bilan to‘qnashgan.

Hokimiyat ma’lumotlariga ko‘ra, o‘sha fojia oqibatida 43 kishi halok bo‘lgan, o‘nlab jabrlanganlar shifoxonaga yotqizilgan. Halokat yo‘lning to‘g‘ri qismida sodir bo‘lgan, hodisa sabablari tergov qilinmoqda.

Seshanba kuni kechqurun Barselona yaqinida shahar atrofi qatnovi poyezdi yo‘lga qulagan devorning yo‘lda qolgan parchalari ustiga chiqib ketgan. Natijada Kataloniya shahar atrofi tashuvlari operatori Rodalies de Catalunya xodimlaridan biri halok bo‘lgan, yana 37 nafar yo‘lovchi jarohat olgan.

Ikki halokatli fojiadan so‘ng Ispaniya mashinistlar kasaba uyushmasi uch kunlik ish tashlash e’lon qildi — u 9 fevraldan boshlanishi kutilmoqda. Lokomotiv brigadalari Ispaniya temiryo‘llarida xavfsizlik choralarini kuchaytirishni talab qilmoqda.