Mudofaa tizimi, qiruvchilar va raketalar: Kiyev–Parij hamkorligi kuchayadi

Ukraina vazirining aytishicha, ushbu hujjat Ukraina va Fransiyaning mudofaa-sanoat majmuasi sohasida keng ko‘lamli qo‘shma loyihalarga yo‘l ochadi. “Yetkazib berishdan qo‘shma ishlab chiqarish va mudofaamizni tizimli ravishda kuchaytiradigan uzoq muddatli yechimlarga o‘tyapmiz”, — degan Fedorov Fransiya mudofaa vaziri Katrin Votren bilan uchrashuvdan keyin.

Hamkorlikning asosiy yo‘nalishlari sifatida aviatsion qurol-yarog‘, havo mudofaasi tizimlari, uzoq masofali zarba berish vositalari hamda radioelektron kurashning innovatsion tizimlarini ishlab chiqish belgilangan. Jumladan, fransuz tomoni Ukrainaga Mirage 2000 samolyotlarini topshirishga tayyorgarlik ko‘rayotganini bildirgan.

Fedorov va Votren, shuningdek, qiruvchi samolyotlar yetkazib berishni tezlashtirish va AASM Hammer boshqariladigan aviatsion bombalarini rekord hajmda ishlab chiqarish bo‘yicha qo‘shma ish olib borish masalalarini muhokama qilgan.

Ukraina mudofaa vaziri bayonotida Ukraina kelgusida ham SAMP/T, Mistral va Crotale tizimlari, shuningdek, ular uchun o‘q-dorilarni olishdan manfaatdor ekanini ta’kidlagan. Bundan tashqari, Ukraina va Fransiya qo‘shma mudofaa-sanoat loyihalarini Yevropa Ittifoqining kreditlari va SAFE dasturi hisobidan moliyalashtirishni ham muhokama qilgan.