Toshkentda Umra ziyorati bilan bog‘liq firibgarlik holati fosh etildi

Bosh prokuratura huzuridagi Departamentning Mirobod tumani bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda “A.A.” MChJning norasmiy ishchisi A.A. va boshqalar fuqaro G.B. hamda uning ota-onasini Saudiya Arabistoniga borishi uchun “viza” hujjatlarini tayyorlab, Umra ziyoratiga yuborishni va’da qilgani ma’lum bo‘ldi.

Ma’lumotlarga ko‘ra, ular jami 3 150 AQSh dollari evaziga xizmat ko‘rsatishini aytgan va oldindan bo‘nak sifatida 2 400 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddasi (pora berish) bilan jinoyat ishi qo‘zg‘atilib, hozirda tergov harakatlari olib borilmoqda.