Trampning ikki ehtimoliy vorisi aytildi

Marko Rubio va Jyey Di Vens Trampning ehtimoliy vorisi bo‘lishi mumkin, deb yozdi Axios. Prezident maslahatchilarining so‘zlariga ko‘ra, u siyosatchilar tandemi haqida o‘ylamoqda va maslahatchilardan rahbarlikka kimni qo‘yish kerakligini so‘ramoqda.

Foto: Reuters

AQSh prezidenti Donald Tramp o‘z atrofidagilar bilan voris haqida maslahatlashmoqda, u vitse-prezident Jyey Di Vens va davlat kotibi Marko Rubio o‘rtasida tanlov qilmoqda, deb xabar berdi Axios bir nechta manbalarga tayanib. Ularning so‘zlariga ko‘ra, bu haqda gap-so‘zlar ko‘paygan.

«Prezidentning 2028 yildagi orzusi - bu Vens-Rubio tandemi va tushunarli bo‘lishi uchun, Vens prezident sifatida <...> Ammo Tramp Rubio-Vens tandemidan mamnun bo‘larmidi? Albatta», dedi prezident maslahatchisi.

Portalning yozishicha, Vens 2028 yilda prezidentlikka nomzodini qo‘ysa, uning prezidentlik kampaniyasining asosini tashkil etadigan siyosiy maslahatchilari bor. Biroq Rubioda bunday infratuzilma yo‘q, ammo u Vensning nomzodini qo‘llab-quvvatlashini aytgan.

«Agar Jyey Di Vens prezidentlikka nomzodini qo‘ysa, u bizning nomzodimiz bo‘ladi va men uni birinchilardan bo‘lib qo‘llab-quvvatlayman», dedi Rubio 2025 yilda bergan intervyusida.

Manbaning aytishicha, Rubio bu haqda Vensga shaxsan xabar bergan. Shu bilan birga, vitse-prezidentda jiddiy kamchilik bor - uning lavozimi. Rubio o‘z lavozimi tufayli Vensga qaraganda yangiliklarda tez-tez paydo bo‘ladi. «Tramp esa yangiliklarga chanqoq», deb yozdi Axios.

Qisman bu Rubio uchun ham muammo. Manbalarga ko‘ra, davlat kotibi va milliy xavfsizlik bo‘yicha maslahatchi bunday ikkita muhim lavozimdan vitse-prezident lavozimiga o‘tishi qiyin bo‘ladi. Tramp buni biladi va ba’zi maslahatchilarning fikricha, u Rubioni doimiy ravishda yuqoriga ko‘tarishining sabablaridan biri uni Vens bilan birga saylovda qatnashishga undashdir.

2028 yilgi praymeriz uchun respublikachilar o‘rtasidagi dastlabki so‘rovlarda Vensboshqalardan, jumladan Rubiodan ham ancha oldinda. Nyu-Hempshir universiteti mamlakatdagi birinchi praymerizda ovoz beruvchilar o‘rtasida o‘tkazgan so‘rov natijalariga ko‘ra, Vens 53 foiz, Rubio esa atigi 7 foiz ovoz to‘plagan.

Yanvar oyi oxirida Tramp Respublikachilar partiyasida 2028 yilgi prezidentlik saylovida ishtirok etishga va uning merosini davom ettirishga qodir bo‘lganlar borligini aytdi. U Vens, Rubio va Moliya vazirligi rahbari Skott Besentni ajratib ko‘rsatdi, ularni ajoyib deb atadi.

Avvalroq Tramp Vensning bo‘lajak saylovlarda Respublikachilar partiyasidan nomzod bo‘lishi «eng ehtimoliy» ekanini aytgandi.