Harbiylar o‘rtasida kibersport, dron va robot musobaqalari o‘tkaziladi

Qarorga muvofiq, Qurolli kuchlar tizimida zamonaviy texnologiyalarga asoslangan sport yo‘nalishlarini rivojlantirish maqsadida musobaqalar quyidagi yo‘nalishlar bo‘yicha o‘tkaziladi:

• kibersport yo‘nalishi;
• dron texnologiyalari yo‘nalishi;
• robot texnologiyalari yo‘nalishi.

Musobaqalar har yili uch bosqichda tashkil etiladi.

• 1-bosqich — har yili avgust oyida vazirlik va idoralarda “Harbiy qism (muassasa) komandiri (boshlig‘i) kubogi” ichki musobaqasi.
• 2-bosqich — har yili oktyabr oyida “Harbiy okrug qo‘shinlari qo‘mondoni kubogi” musobaqasi.
• 3-bosqich — har yili dekabr oyida “Mudofaa vaziri kubogi” musobaqasi.

Ma’lum qilinishicha, mazkur musobaqalar Qurolli kuchlarda raqamli texnologiyalardan foydalanish ko‘nikmalarini oshirish, innovatsion yo‘nalishlardagi qobiliyatlarni rivojlantirish hamda harbiy xizmatchilarning amaliy tayyorgarligini mustahkamlashga xizmat qiladi.