Buxoroda 5,3 magnitudali zilzila sodir bo‘ldi

20 mayga o‘tar kechasi O‘zbekiston hududida zilzila sodir bo‘ldi. Seysmoprognostik monitoring Respublika markazi ma’lumotiga ko‘ra, yer silkinishi soat 01:40:44 da qayd etilgan.

Zilzila episentri Buxoro viloyatining Qorako‘l tumanida joylashgan bo‘lib, magnitudasi 5,3 ni tashkil qilgan. Yer silkinishi o‘chog‘i 10 kilometr chuqurlikda kuzatilgan.

Zilzila kuchi ayrim hududlarda quyidagicha sezilgan:

— Buxoro viloyatida 3-4 ball, episentrdan 127 kilometr uzoqlikda;
— Navoiy viloyatida 2-3 ball, 194 kilometr uzoqlikda.