Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 20:26
    2722
    4 daqiqa o‘qiladi

    Tramp 80 yoshini katta tantana bilan nishonladi

    Oq uy hovlisida UFC bo‘yicha turnir tashkillashtirildi.

    Donald Tramp 14 iyun kuni 80 yoshga to‘ldi. AQSh prezidenti tug‘ilgan kunini o‘ziga xos uslubda nishonladi – Oq uy janubiy maysazorida UFC janglari uchun arena o‘rnatildi. Trampning tug‘ilgan kuni sharafiga uyushtirilgan bu ziyofat 4 iyul kuni nishonlanadigan AQShning 250 yillik bayramini nishonlashning norasmiy boshlanishi bo‘ldi. Tramp UFC rahbari Dana Uayt bilan uzoq yillik do‘st va biznes hamkorlar hisoblanadi. Siyosatshunoslar fikricha, UFC tomonidan qo‘llab-quvvatlanishi ham Trampning ikkinchi muddatga saylanishida o‘z hissasini qo‘shgandi. Quyida Amerika prezidenti bayramidan olingan suratlar keltiriladi.

    Bayram tadbiri boshlanishida AQSh Harbiy-dengiz kuchlari uchuvchilari guruhi chiqish qildi. Donald Tramp bu jarayonni Oq uy balkonida Dana Uayt bilan birga turib kuzatdi.
    Jacquelyn Martin / Reuters / Scanpix / LETA
    Uchuvchilar guruhining Oq uy osmoni ustidagi manyovrlari. Qiruvchi samolyotlar parvozi chog‘ida AQSh madhiyasi ijro etildi. Madhiyani kantri-qo‘shiqchi Zak Braun AQSh qurolli kuchlari birlashgan xori hamrohligida kuyladi
    Win McNamee / Reuters / Scanpix / LETA
    MMA jangchisi Maykl Chendler jangdan oldin Oq uy foyesida. Chendler braziliyalik Maurisiu Ruffiga yutqazib qo‘ydi
    Saul Loeb / Reuters / Scanpix / LETA
    Oq uy Janubiy maysazorida UFC turniri uchun o‘rnatilgan arena
    Evan Vucci / Reuters / Scanpix / LETA
    Janglarni tribunalarda maxsus taklif etilgan mehmonlar kuzatib borishdi, ular orasida ko‘plab harbiy xizmatchilar ham bor edi. Oq uy tashqarisida esa boshqa tomoshabinlar uchun fan-zonalar tashkil etildi
    Kent Nishimura / AFP / Scanpix / LETA
    Diyego Lopes Stiv Garsiya ustidan g‘alabasini nishonlamoqda
    Chip Somodevilla / Getty Images
    Dana Uayt, Donald Tramp va uning rafiqasi Melaniya tribunada. CNN ma’lumotiga ko‘ra, tadbirda Tramplar oilasining barcha a’zolari ishtirok etgan
    Evan Vucci / AP / Scanpix / LETA
    Aleks Pereyra va Siril Gan o‘rtasidagi jang. Og‘ir vaznda UFC chempioni titulini Gan qo‘lga kiritdi
    Evan Vucci / Reuters / Scanpix / LETA
    Oq uy yaqinida tashkil etilgan fan-zonadagi muxlislar. 14 iyun kuni AQSh prezidenti qarorgohi atrofiga nafaqat UFC ixlosmandlari, balki Trampning muxoliflari ham kelishgandi – ular prezident siyosatiga qarshi namoyish uyushtirishdi.
    Allison Robbert / AP / Scanpix / LETA
    Maykl Chendlerni mag‘lub etgan Maurisiu Ruffi Donald Tramp bilan gaplashmoqda
    Evan Vucci / Reuters / Scanpix / LETA
    Kechaning markaziy bahsida asli gurjistonlik bo‘lgan va Ispaniya nomidan turnirlarda ishtirok etib keladigan Iliya Topuriya hamda amerikalik Jastin Geydji kuch sinashdi. Ular oktagonga Oval kabinet orqali chiqib kelishdi.
    Saul Loeb / AFP / Scanpix / LETA
    Jang Jastin Geydjining g‘alabasi bilan yakunlandi. G‘olib sharafiga salyut otildi
    Saul Loeb / AP / Scanpix / LETA
    Азиз Қаршиев
    Muallif Азиз Қаршиев
    #Donald Tramp #Jastin Geydji #Iliya Topuriya
    Kun.uz yangiliklarini Google News'da kuzating
    + Obuna bo'lish

    Mavzuga oid

    08:59

    Zelenskiy G7 sammitida Tramp bilan uchrashishini ma’lum qildi

    22:29 / 14.06.2026

    Tramp Netanyahuni aqlsizlikda aybladi va Eron bilan kelishuv 2–3 soat ichida imzolanishini aytdi

    18:06 / 14.06.2026

    Shavkat Mirziyoyev Donald Trampni tug‘ilgan kuni bilan tabrikladi

    14:07 / 14.06.2026

    Tramp Venesueladagi narkokartel rahbari o‘ldirilganini e’lon qildi