Shavkat Mirziyoyev Gruziya qahramonlari yodgorligiga gulchambar qo‘ydi

O‘zbekiston prezidenti Shavkat Mirziyoyev Gruziyaga davlat tashrifi doirasida Tbilisi shahridagi Qahramonlar maydoniga tashrif buyurib, mamlakat birligi uchun halok bo‘lgan qahramonlar xotirasiga ehtirom bajo keltirdi.

Foto: Prezident matbuot xizmati

Prezident matbuot xizmati ma’lum qilishicha, davlat rahbari 3 iyul kuni Tbilisi shahridagi Qahramonlar maydoniga tashrif buyurdi.

Marosim chog‘ida Shavkat Mirziyoyev sharafiga faxriy qorovul saf tortdi.

Shundan so‘ng O‘zbekiston prezidenti Gruziya birligi uchun halok bo‘lgan qahramonlar yodgorligi poyiga gulchambar qo‘yib, ular xotirasiga hurmat bajo keltirdi.