Shavkat Mirziyoyev bugun Sergeli tumaniga tashrif buyuradi

Prezident Shavkat Mirziyoyev bugun Toshkent shahrining Sergeli tumaniga tashrif buyurib, hududda amalga oshirilayotgan bunyodkorlik ishlari va yirik loyihalar bilan tanishadi. Shuningdek, poytaxtni ijtimoiy-iqtisodiy rivojlantirish hamda mahallalarda xavfsiz muhitni ta’minlash masalalari muhokama qilinadi.

Foto: Prezident matbuot xizmati

Tashrif doirasida davlat rahbari Sergeli tumanida olib borilayotgan qurilish va obodonlashtirish ishlari, shuningdek, amalga oshirilgan investitsiya va infratuzilma loyihalari bilan tanishishi rejalashtirilgan.

Shuningdek, Toshkent shahrini ijtimoiy-iqtisodiy rivojlantirish, aholi turmush sifatini yanada yaxshilash, mahallalarda xavfsiz muhit yaratish hamda bu boradagi ustuvor vazifalar yuzasidan yig‘ilish o‘tkazilishi kutilmoqda.