Шавкат Мирзиёев бугун Сергели туманига ташриф буюради

Президент Шавкат Мирзиёев бугун Тошкент шаҳрининг Сергели туманига ташриф буюриб, ҳудудда амалга оширилаётган бунёдкорлик ишлари ва йирик лойиҳалар билан танишади. Шунингдек, пойтахтни ижтимоий-иқтисодий ривожлантириш ҳамда маҳаллаларда хавфсиз муҳитни таъминлаш масалалари муҳокама қилинади.

Фото: Президент матбуот хизмати

Ташриф доирасида давлат раҳбари Сергели туманида олиб борилаётган қурилиш ва ободонлаштириш ишлари, шунингдек, амалга оширилган инвестиция ва инфратузилма лойиҳалари билан танишиши режалаштирилган.

Шунингдек, Тошкент шаҳрини ижтимоий-иқтисодий ривожлантириш, аҳоли турмуш сифатини янада яхшилаш, маҳаллаларда хавфсиз муҳит яратиш ҳамда бу борадаги устувор вазифалар юзасидан йиғилиш ўтказилиши кутилмоқда.