Ҳиндистонда юк машинаси устига электр симлари қулаши туфайли 7 киши ҳалок бўлди

Ҳиндистоннинг Теланган штатидаги  Медак округи ҳудудида юк машинаси устига электр симлар тушиб кетиши оқибатида камида 7 киши ҳалок бўлган ва 15 киши жароҳатланган.

Бу ҳодиса 1 май куни, 20дан ортиқ киши минган юк машинаси Низомободдаги тўй маросимидан қайтиши чоғида рўй берган.

IANS агентлиги хабарига кўра, барча жабрланувчилар шифохонага олиб борилган, жароҳатланганларнинг 3 нафари оғир аҳволда қолмоқда.