Саудия Арабистони махсус кучлари террорчиликда гумон қилинганларни қўлга олиш бўйича амалиёт ўтказди

Саудия Арабистони махсус кучлари ИШИД ташкилотига аъзолиги гумон қилинган шахсларни қўлга олиш бўйича амалиётларни давом эттирмоқда. Бугун Макка шаҳридан шарқдаги Нааман водийсида 4 нафар гумондорни қўлга олиш бўйича махсус амалиёт ўтказилган. Бу ҳақда миллий хавфсизлик кучларидаги манбасига асосланган ҳолда "Сабак" газетаси хабар тарқатган.

Манбанинг маълумотига кўра, амалиёт 5 май куни эрталаб бошланган ва унда авиация кучлари ҳам иштирок этган. Гумонланувчилар шаҳар йўли ёқасидаги 2 қаватли бинога яширинишган. Улардан 3 нафари амалиёт чоғида ўлдирилган.

Жорий ҳафтада араб нашрларида Сурия ва Ироқ ҳудудидаги ИШИД сафида Саудия Арабистони фуқаролари бўлган 3 мингдан ортиқ киши жанга қилаётгани ҳақида хабарлар тарқалганди.