Окинава соҳиллари яқинида АҚШ, Япония ва Ҳиндистоннинг биргаликдаги ҳарбий-денгиз машғулотлари бошланди

Тинч океанининг ғарбий қисмида, Окинаванинг шарқий соҳилбўйида АҚШ, Япония ва Ҳиндистоннинг "Малабар" деб ном олган биргаликдаги ҳарбий-денгиз машғулотлари бошланди, деб хабар бермоқда Deutshe Welle.

Таъкидланишича, машғулотлар Шарқий-Хитой денгизидаги баҳсли ороллар гуруҳи яқинида ўтмоқда.

1992 йилдан "Малабар" машғулотлари АҚШ ва Ҳиндистон ўртасида биргаликда ўтган, Япония эса уларга 2015 йилдан қўшилган.

Сенкаку (Дяоюйдао) кимсасиз ороли Япония томонидан назорат қилинади, унга эгалик қилиш ҳуқуқига Хитой Республикаси (Тайвань) ва Хитой ҳам баҳслашиб келади.