Испанияда кучли ўрмон ёнғини давом этмоқда

Испаниянинг Альбасете провинцияси Льетор муниципалитети ҳудудида кучли ўрмон ёнғинлари давом этмоқда. 

Ёнғинга ҳаво ва ердан қарши курашилмоқда. 4та самолёт ва битта вертолёт сув ташиётган бўлса, ерда 150 нафар ўт ўчирувчи хизмат вазифасини бажараяпти, деб хабар қилмоқда Europa Press.

Ўт балоси сабаб 2та йўл ёпилган. Кучли шамол алангани бартараф этишга имкон бермаяпти. 

Ёнғинни ўчиришда шунингдек, Фуқаро мудофааси ташкилотининг кўнгилли аъзолари ҳам қатнашмоқда. 

Қурбонлар ва жабрланганлар йўқ.