Украина НАТОга аъзо бўлиш имкониятига эга эмас

Украина хавфсизлик хизмати собиқ раҳбари Игорь Смешконинг ишонч билдиришича, яқин истиқболда расмий Киев НАТО таркибига кира олмайди. У, ICTV телеканалининг "Сўз эркинлиги" ток-шоусида шундай фикрларни билдирди, деб хабар қилмоқда УНН агентлиги. 

"Биз, ҳозирги ҳарбий-сиёсий вазиятда НАТО эшикларини тақиллатсанг, улар эшикни очиб, бизни киритишини унутишимиз керак", — деган собиқ махсус хизмат раҳбари альянснинг Польшадаги саммитига оид фикрларини билдирар экан. 

"Украина, афсуски Европанинг охирги романтиги бўлди. Чунки, биз ростдан ҳам Шимолий Атлантика ҳамжамиятига қўшилишга ишонгандик. Бироқ, бугунги кунда НАТОга кириш истиқболлари жуда ҳам кам. Аслида, улар мавжуд ҳам эмас, буни тўғри тушиниш керак", — дея қўшимча қилган Смешко.