Жиззахда ўтган сайловда 304 нафар фуқаролар йиғинлари раиси сайланди

Жиззахда ўтган сайловда маҳалла фуқаролар йиғинлари раислари учун ўқув-семинари ўтказилди. Бу ҳақда “ЎзА” хабар бермоқда.

Сайловда 304 нафар фуқаролар йиғинлари раиси ва уларнинг 2 минг 972 нафар маслаҳатчиси сайланди. Раисларнинг 234 нафари ёки 77 фоизи биринчи марта сайланганлардир.

Янги сайланган раисларга фуқаролар йиғинлари фаолиятини ташкил этишга кўмаклашиш мақсадида ўтказилган семинарда Ўзбекистон Республикасининг “Фуқароларнинг ўзини ўзи бошқариш органлари тўғрисида”ги, “Фуқаролар йиғини раиси (оқсоқоли) ва унинг маслаҳатчилари сайлови тўғрисида”ги қонунларига мувофиқ фуқаролар йиғини кенгашини шакллантириш, фуқаролар йиғини фаолиятининг асосий йўналишлари бўйича комиссиялар ва тафтиш комиссиясини сайлаш тартиби тўғрисидаги масалалар хусусида сўз юритилди.