Эрдўған Путинни россиялик сайёҳларнинг хавфсизлиги таъминланишига ишонтирди

Фото: Reuters

Туркия президенти Ражаб Тоййиб Эрдўған Россия президенти Владимир Путин билан бўлиб ўтган телефон орқали суҳбатда Туркияда дам олаётган россиялик сайёҳларнинг хавфсизлиги таъминланишини таъкидлади. Бу ҳақда Кремль расмий сайти хабар бермоқда.

«Россия президенти Туркия билан алоқалар яхшилангандан кейин Туркияга дам олиш учун бораётган сайёҳлар сони сезиларли даражада ошганини таъкидлади. У Туркия ҳукуматидан россиялик сайёҳлар учун барча хавфсизлик чоралари кўришини сўради. Эрдўған бу борада барча зарур ишлар кўрилишини маълум қилган»,- дейилади Кремль хабарида.

Аввалроқ икки мамлакат раҳбари тез орада ўзаро учрашув ўтказиши ҳақида хабар берилганди.

#Ражаб Эрдўған #сайёҳлар