Хитойда сел келиши натижасида 7 киши ҳалок бўлди

Хитойнинг шимолидаги Хубэй ва Хэбэй провинцияларида сел келиши натижасида 7 киши ҳалок бўлди. Бу ҳақида Синьхуа агентлиги маълум қилди. 

Манбага кўра, Хубэй провинциясида 6 киши ҳалок бўлган, бир киши бедарак йўқолган. Провинциянинг 35 та шаҳрида 807 минг киши ноқулай об-ҳаво шароитидан жабрланган. 

Хэбей провинциясида эса бир киши ҳалок бўлган, 6 киши бедарак йўқолган. Уч киши сув босиши натижасида ташқи дунёдан узилиб қолган, ҳозирда уларни қутқариш ишлари олиб борилмоқда.