Лавров:Туркиядаги ҳодисалар РФ ҲККларининг Суриядаги фаолиятига таъсир кўрсатмайди

Россия ташқи ишлар вазири Сергей Лавровнинг фикрича, Туркиянинг Инжирлик ҳарбий авиабазасидаги вазият Суриядаги аксилтеррор амалиётларга нақадар таъсир этиши тўғрисидаги саволга, АҚШ етакчилигидаги коалиция томонидан ойдинлик киритилиши лозим. 

Унинг сўзларига кўра, РФ ҳаво космик кучларининг Суриядаги фаолияти "президент Башар Асаднинг расмий мурожаатидан сўнг, Дамашқ билан имзоланган келишувга асосланган". "Шу маънода, сурияликлар билан келишувимизни амалга оширишда ҳеч қандай муаммо пайдо бўлмайди", - деб таъкидлаган вазир. 

Лавров шунингдек, Россия Туркиядаги барча муаммоларни Конституция доирасида ҳал этишга чақиришини маълум қилди.