БМТ: Афғонистонда тинч аҳоли вакилларининг қурбон бўлиши рекорд даражага етди

2016 йилнинг биринчи ярим йиллигида Афғонистонда сақланиб қолаётган сиёсий инқироз ҳолатида тинч аҳоли вакилларининг жабрланиши бўйича рекорд даража қайд этилди. Бу ҳақда БМТ ҳисоботида маълум қилинган.

"2016 йилнинг январь ойидан июнь ойига қадар тинч аҳоли вакиллари орасидан ҳалок бўлганлар сони 1601 кишини, яраланганлар сони 3565 кишини ташкил этмоқда. Ҳалок бўлганлар ва жабрланганларнинг умумий сони ўтган йилнинг шу даврига нисбатан 4 фоизга ошган", — деб хабар қилмоқда БМТ миссияси.

Ташкилот ҳисоботида қайд этилишича, Афғонистонда яшовчи тинч аҳоли вакилларидан ҳалок бўлган ва жабрланганлардан 1509 нафарини болалар ташкил этади.