Ford ва Baidu ҳайдовчисиз автомобилларга сармоя киритади

Американинг Ford автомобилсозлик компанияси 2021 йилга бориб муқобил транспорт воситаларини ишлаб чиқариш бўйича режасини эълон қилди. Янги ҳаракатланиш воситалари, компанияга кўра, том маънода муқобил бўлади. Унинг на рули, на тормоз ва ёки газ педали бўлади. 

Бироқ, хулоса қилишга шошилманг. Чунки, дастлаб Ford муқобил машиналари ҳаракатланадиган ҳудуд кескин чегараланади. Компания вице-президенти Кен Вашингтоннинг сўзларига кўра, ушбу машиналарнинг ҳаакати учун ҳудудни танлашда, унинг географик жойлашуви ҳамда иқлими эътиборга олинади. 

Биринчи навбатда Ford компаниясининг муқобил машиналари Шимолий Америка кўчаларида пайдо бўлади. Бироқ, компания бу билан чегараланиб қолиш ниятида эмас. Ҳозирча, муқобил машиналарнинг қандай кўринишда бўлиши ҳам маълум эмас. Вашингтоннинг сўзларига кўра, улар Ford Fusion негизида ишлаб чиқарилиши мумкин. 

Автомобилсозлик компанияси 2021-йилда белгиланган режани тўлиқ амалга ошириш мақсадида ҳайдовчисиз бошқариладиган стартапларга сармоя киритишни режалаштирмоқда. 17-август куни маълум бўлишича, Америка компанияси Хитойнинг йирик интернет қидирув хизмати Baidu билан ҳамкорликда Американинг Velodyne LiDAR Inc компаниясига 150 млн доллар миқдорида сармоя киритади. Бу компания юқори аниқликдаги сенсорлар ва радарларни ишлаб чиқариш билан шуғулланади. 

Lidar технологияси ҳаракатланаётган автомобиль атрофидаги вазиятни баҳолаш, хусусан тўсиқларни аниқлаш учун лазердан фойдаланишни кўзда тутади.