Самарқандлик Ж.Г ва И.Қ. бир неча фуқарога гўёки Самарқанд вилоятидаги қўшма корхонада ишлашини айтиб, уларни ушбу корхона филиалига ишга жойлаштириб қўйишини ваъда қилишади. Бунинг эвазига фуқаро М. Ҳамиддан 5000 АҚШ доллари, Д.Баҳодирдан 2000 АҚШ доллари О.Темирдан 10000 АҚШ долларини олишади. Бу ҳақда “Постда” газетаси ёзмоқда.
Орадан анча вақт ўтиб, чет элдаги корхонага ишга жойлашишни орзу қилиб юрган фуқаролар алданганини, фирибгарларнинг тузоғига тушишганини англаб етишади.
Жабрланувчиларнинг мурожаатидан сўнг ички ишлар идоралари ходимлари суриштирув ишларини олиб боришди. Маълум бўлишича, фирибгарлар пулларни аллақачон ўз эҳтиёжларига сарфлаб юборишган экан. Фирибгарлар қўлга олиниб, улар устидан жиноят иши қўзғатилди.
